"Ақмола облысы білім басқармасының Көкшетау қаласы бойынша білім бөлімі Көкшетау қаласының №11 мектеп-гимназиясы" коммуналдық мемлекеттік мекемесі 
Коммунальное Государственное учреждение «Школа - гимназия №11 города Кокшетау Отдела Образования по городу Кокшетау управления образования Акмолинской области"

Біз әлеуметтік желілерде

 

https://www.facebook.com/profile.php?id=100070769356669

https://www.instagram.com/school_11_kokshetau/

 

Ұйымдар тізімі
Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау

Новости

Әрі қарай барлық>>>

Галерея

Смотреть все>>>

Педагогтерді аттестаттаудан өткізу қағидалары мен шарттары

 
Педагогтерді аттестаттаудан өткізу қағидалары мен шарттарын бекіту туралы
Қазақстан Республикасы Білім және ғылым министрінің 2016 жылғы 27 қаңтардағы № 83 бұйрығы. Қазақстан Республикасының Әділет министрлігінде 2016 жылы 29 ақпанда № 13317 болып тіркелді.
       Ескерту. Бұйрықтың тақырыбы жаңа редакцияда – ҚР Оқу-ағарту министрінің 02.04.2024 № 72 (алғашқы ресми жарияланған күнінен кейін қолданысқа енгізіледі) бұйрығымен.
       Қазақстан Республикасы Еңбек кодексінің 139-бабының 7-тармағына, "Педагог мәртебесі туралы" Қазақстан Республикасы Заңының 14-бабына сәйкес", БҰЙЫРАМЫН:
      Ескерту. Кіріспе жаңа редакцияда - ҚР Білім және ғылым министрінің 12.11.2021 № 561 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
 
       1. Қоса беріліп отырған Педагогтерді аттестаттаудан өткізу қағидалары мен шарттары бекітілсін.
      Ескерту. 1-тармақ жаңа редакцияда – ҚР Білім және ғылым министрінің 12.11.2021 № 561 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
 
       2. "Білім және ғылым саласындағы азаматтық қызметшілерді аттестаттаудан өткізу қағидалары мен шартын, сондай-ақ Мектепке дейінгі, бастауыш, негізгі орта, жалпы орта, техникалық және кәсіптік, орта білімнен кейінгі білімнің білім беретін оқу бағдарламаларын іске асыратын білім беру ұйымдарында жұмыс істейтін педагог қызметкерлер мен оларға теңестірілген тұлғаларды аттестаттаудан өткізу қaғидалары мен шартын бекіту туралы" Қазақстан Республикасы Білім және ғылым министрінің міндетін атқарушының 2013 жылғы 7 тамыздағы № 323 бұйрығының (Нормативтік құқықтық актілерді мемлекеттік тіркеу тізілімінде № 8678 болып тіркелген, "Егемен Қазақстан" газетінің 2013 жылғы 26 қыркүйектегі № 220 (28159) санында жарияланған) бұйрығының күші жойылды деп танылсын.
      3. Әкімшілік департаменті (А.М. Қайырбекова) заңнамада белгіленген тәртіппен:
      1) осы бұйрықтың Қазақстан Республикасы Әділет министрлігінде мемлекеттік тіркелуін;
      2) осы бұйрықтың көшірмесін Қазақстан Республикасы Әділет министрлігінде мемлекеттік тіркеуден өткеннен кейін күнтізбелік он күн ішінде мерзімді баспа басылымдарында және "Әділет" ақпараттық-құқықтық жүйесінде ресми жариялауға, сондай-ақ Қазақстан Республикасы нормативтік құқықтық актілерінің эталондық бақылау банкінде орналастыру үшін "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдауды;
      3) осы бұйрықты Қазақстан Республикасы Білім және ғылым министрлігінің ресми интернет-ресурсында орналастыруды қамтамасыз етсін.
      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Білім және ғылым министрлігінің Заң департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.
      4. Осы бұйрықтың орындалуын бақылау Қазақстан Республикасы Білім және ғылым министрлігінің жауапты хатшысына жүктелсін.
      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
      Қазақстан Республикасының
 
Білім және ғылым Министрі А. Сәрінжіпов
  Қазақстан Республикасы
Білім және ғылым министрінің
2016 жылғы 27 қаңтардағы
№ 83 бұйрығымен 
бекітілген
 Педагогтерді аттестаттаудан өткізу қағидалары мен шарттары
       Ескерту. Қағидалар жаңа редакцияда - ҚР Оқу-ағарту министрінің 25.02.2025 № 32 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
 1-тарау. Жалпы ережелер
       1. Осы Педагогтерді аттестаттаудан өткізу қағидалары мен шарттары (бұдан әрі – Қағидалар) Қазақстан Республикасы Еңбек кодексінің 139-бабының 7-тармағына, "Білім туралы" Қазақстан Республикасы Заңының 44-бабының 5-тармағына, "Педагог мәртебесі туралы" Қазақстан Республикасы Заңының 14-бабына, "Мемлекеттік көрсетілетін қызметтер туралы" Қазақстан Республикасы Заңының 10-бабының 1) тармақшасына сәйкес әзірленді және педагогтерді аттестаттаудан өткізу тәртібін айқындайды.
       2. Осы Қағидаларда мынадай негізгі ұғымдар пайдаланылады:
       1) аттестаттау – педагогтердің біліктілік деңгейін анықтау мақсатында жүргізілетін рәсім, оның нәтижелері бойынша осы Қағидаларға сәйкес біліктілік санаттары беріледі (расталады);
       2) аттестатталушы – осы Қағидаларға сәйкес біліктілік санатын беруге (растауға) үміткер педагог (Қазақстан Республикасы Білім және ғылым министрінің 2020 жылғы 15 сәуірдегі № 145 бұйрығымен бекітілген Педагог лауазымдарының тізбесіне сәйкес (нормативтік құқықтық актілерді мемлекеттік тіркеу тізілімінде № 20400 болып тіркелген);
      3) аттестаттау комиссиясы – педагогтерді аттестаттау рәсімін жүргізетін алқалы орган (бұдан әрі – Комиссия);
      4) аттестаттау кезеңі – біліктілік санатын соңғы берген (растаған) күннен бастап келесі аттестаттау мерзімі басталғанға дейін немесе мерзімінен бұрын аттестаттау үшін шарттар болған жағдайдағы уақыт аралығы;
       5) апелляция – осы Қағидаларға сәйкес педагогтің өтініші бойынша жүзеге асырылатын педагогтердің білімін бағалау нәтижелерін қайта қарау рәсімі; 
      6) апелляциялық комиссия – білім беру саласындағы уәкілетті орган құратын педагогтердің білімін бағалау нәтижелерін қайта қарау бойынша шешім қабылдайтын комиссия;
       7) біліктілікті бағалау – білім беру ұйымының педагогтің материалдарын (портфолиосын) біліктілік сипаттамаларына сәйкес барлық құжаттарының бар болуын қарауы; 
       8) біліктілік санаты – Қазақстан Республикасы Оқу-ағарту министрі міндетін атқарушының 2022 жылғы 15 желтоқсандағы № 500 бұйрығымен бекітілген "Педагог" кәсіптік стандартына (нормативтік құқықтық актілерді мемлекеттік тіркеу тізілімінде № 31149 болып тіркелген) (бұдан әрі – Кәсіптік стандарт) және Қазақстан Республикасы Білім және ғылым министрінің 2009 жылғы 13 шілдедегі № 338 бұйрығымен бекітілген Педагог лауазымдарының үлгілік біліктілік сипаттамаларына (нормативтік құқықтық актілерді мемлекеттік тіркеу тізілімінде № 5750 болып тіркелген) (бұдан әрі – біліктілік сипаттамалары) сәйкес педагогтің кәсіби құзыреттілік деңгейі;
      9) қызмет нәтижелерін кешенді талдамалық жинақтау – педагог қызметінің дәлелдері мен жетістіктерінің біліктілік санатының талаптарына сәйкестігін бағалау рәсімі;
      10) педагогтің білімін бағалау (бұдан әрі - ПББ) – білім беру саласындағы уәкілетті орган айқындаған ұйым жүргізетін педагогтің білімін тестілеу рәсімі;
      11) Ақпараттандыру нысаны "Ұстаз" педагогтің үздіксіз кәсіби дамуының ұлттық платформасы" (бұдан әрі – Платформа) – педагогтің кәсіби қызметі туралы деректерді жинауды және өңдеуді қамтамасыз ететін білім беру саласындағы уәкілетті орган айқындаған ұйымның платформасы.
       3. Педагогтерді, әдіскерлерді, білім беру ұйымдары мен әдістемелік кабинеттер (орталықтар) басшыларының орынбасарларын аттестаттау "Педагог мәртебесі туралы" Қазақстан Республикасы Заңының 15-бабының 1-тармағы 3) тармақшасына сәйкес кемінде бес жылда бір рет өткізіледі.
       Білім беру ұйымдарының бірінші басшылары "Білім туралы" Қазақстан Республикасы Заңының 44-бабының 5-тармағына сәйкес үш жылда бір рет аттестаттаудан өтеді.
 2-тарау. Аттестаттауды өткізу тәртібі мен шарттары
      4. Білім беру ұйымдарының, әдістемелік кабинеттердің (орталықтардың) педагогтері, әдіскерлері, бірінші басшылары, басшы орынбасарлары біліктілік санатын беруге (растауға) аттестаттау кезінде өтініші негізінде біліктілік бағалауынан, ПББ-дан, қызмет нәтижелерін кешенді талдамалық жинақтаудан өтеді.
      5. Тиісті бейіні бойынша педагогикалық немесе өзге де кәсіптік білімі бар немесе педагогикалық қайта даярлау туралы құжаты бар педагогтерді аттестаттау кәсіптік стандартқа және біліктілік сипаттамаларына сәйкес өту мерзімдері мен біліктілік санатының бірізділік принциптерін сақтай отырып жүзеге асырылады:
      1) "педагог" біліктілік санатына:
      педагогикалық өтілі кемінде бір жыл "педагог-тағылымдамашы"; педагогикалық лауазымдағы жұмысын қайта бастаған (тиісті бейіні бойынша жалпы педагогикалық өтілі кемінде 1 жыл болған кезде педагогикалық лауазымды қайта бастау мерзімі 5 (бес) жылдан аспайды) және біліктілік санаты жоқ; Қазақстан Республикасынан тыс жерлерде мамандығы бойынша оқуда (тағылымдамада) болған; тиісті бейіні бойынша педагогикалық қызметті жүзеге асырған және Қазақстан Республикасына жақын және алыс шет елдерден келген, сондай-ақ мынадай кәсіптік құзыреттіліктері бар тұлғалар:
      оқу пәнінің мазмұнын (қызмет салалары), білім алушылардың (тәрбиеленушілердің) жеке дамуына арналған педагогика мен психологияның заманауи тәсілдерін біледі;
      жоспарлауды жүзеге асырады, әртүрлі әдістерді, оқыту стратегияларын (тәрбиелеу, дамыту) және бағалау құралдарын меңгереді;
      танымдық, білім беру процесінің қағидаттарын ескере отырып сабақ (сабақ, қызмет, іс-шара) өткізеді және күтілетін нәтижелерге қол жеткізеді, білім алушылардың (тәрбиеленушілердің) қажеттіліктерін ескере отырып, жеке тәсілді жүзеге асырады;
      білім беру ұйымы деңгейіндегі іс-шараларға қатысады;
      ата-аналарды (заңды өкілдерді) оқыту (тәрбиелеу, дамыту) нәтижелері туралы хабардар етеді, әріптестерімен (тәрбиеленуші) білім алушылардың үлгерімін (дамуын) талқылайды;
      оқыту тәжірибесін жетілдірудегі өз қажеттіліктерін айқындайды, әріптестерімен өзара іс-қимыл жасайды;
      қауіпсіз және қолайлы білім беру (дамыту) ортасының нормаларын, этикалық нормаларды сақтайды;
      2) "педагог-модератор" біліктілік санатына:
       кемінде екі жыл педагогикалық өтілі бар және мынадай кәсіби құзыреттіліктері бар педагогтер: 
      білім алушылардың (тәрбиеленушілердің) жеке ерекшеліктері мен қажеттіліктерін ескере отырып, сабақты (оқу, қызмет, іс-шара) жоспарлайды және өткізеді, күтілетін нәтижелерге қол жеткізу үшін бағалаудың қажетті әдістемелері мен құралдарын анықтайды;
      қауіпсіз және қолайлы білім беру (дамыту) ортасын қолдайды, өз жұмысында этикалық нормаларды қолданады;
      білім алушылармен (тәрбиеленушілермен және ата-аналармен (заңды өкілдермен) оқыту (тәрбиелеу, дамыту) нәтижелерін және жақсарту жолдарын талқылайды;
      білім алушылардың (тәрбиеленушілердің) жеке қабілеттері мен қажеттіліктерін ескеретін әріптестердің өзекті нәтижелері мен өз тәжірибесін талдайды;
      білім беру ұйымының әдістемелік кеңесі ұсынған оқу-әдістемелік материалдарды немесе бағдарламаларды әзірлейді және енгізеді;
       "Жалпы білім беретін пәндер бойынша республикалық және халықаралық олимпиадалар мен ғылыми жобалар конкурстарының (ғылыми жарыстардың), орындаушылар конкурстарының, кәсіби шеберлік конкурстарының және спорттық жарыстардың тізбесін және оларды іріктеу өлшемшарттарын бекіту туралы" Қазақстан Республикасы Білім және ғылым министрінің 2011 жылғы 7 желтоқсандағы № 514 (нормативтік құқықтық актілерді мемлекеттік тіркеу тізілімінде № 7355 болып тіркелген) бұйрығымен бекітілген тізбеге сәйкес (бұдан әрі – Тізбе) немесе облыстың (республикалық маңызы бар қалалардың, астананың) білім басқармасы немесе тиісті саланың уәкілетті органының білім беру саласындағы уәкілетті органмен келісілген жоспарына сәйкес білім беру ұйымы деңгейінде олимпиадаларға, конкурстарға, жарыстарға қатысушылары бар болады;
      Тізбеге немесе облыстың (республикалық маңызы бар қалалардың, астананың) білім басқармасы немесе білім беру саласындағы уәкілетті органмен келісілген тиісті саланың уәкілетті органы бекіткен тізбеге сәйкес білім беру ұйымы деңгейіндегі олимпиадаларға, конкурстарға, жарыстарға қатысушы болып табылады;
      3) "педагог-сарапшы" біліктілік санатына:
      мынадай кәсіптік құзыреттері бар педагогтер:
      "педагог-модератор" біліктілік санатының жалпы талаптарына сәйкес келеді;
      пәнаралық (пәндік) байланыстарды, бағалау технологиялары мен стратегияларын жоспарлайды және қолданады, жеке қабілеттер мен қажеттіліктерді ескереді;
      қауіпсіз және қолайлы білім беру (дамыту) ортасын қамтамасыз етеді, өз жұмысында жоғары этикалық нормаларды басшылыққа алады;
      білім алушылардың (тәрбиеленушілердің) қабілеттерінің дамуы мен ілгерілеуін бағалайды және қадағалайды;
      білім алушылардың (тәрбиеленушілердің) жеке қабілеттері мен қажеттіліктерін дамыту бойынша өз тәжірибесінің нәтижелерін және әріптестердің өзекті зерттеулерін бағалайды;
      аудан/қала (облыстық маңызы бар қала) деңгейінде жұмыстың әртүрлі нысандары арқылы әріптестеріне әдістемелік қолдау көрсетеді;
      аудан/қала білім бөлімінің оқу-әдістемелік кеңесі ұсынған оқу-әдістемелік материалдарды немесе бағдарламаларды әзірлейді және енгізеді;
      Тізбеге немесе облыстың (республикалық маңызы бар қалалардың, астананың) білім басқармасы немесе білім беру саласындағы уәкілетті органмен келісілген тиісті саланың уәкілетті органы бекіткен тізбеге сәйкес аудан/қала (облыстық маңызы бар қала) деңгейіндегі конкурстарға, жарыстарға қатысушылары бар болады;
      Тізбеге немесе облыстың (республикалық маңызы бар қалалардың, астананың) білім басқармасы немесе білім беру саласындағы уәкілетті органмен келісілген тиісті саланың уәкілетті органы бекіткен тізбеге сәйкес аудан, облыс, республикалық маңызы бар қалалар, республика деңгейінде (республикалық ведомстволық бағынысты ұйымдар мен салалық мемлекеттік органдардың білім беру ұйымдары үшін) кәсіптік шеберлік конкурстарына қатысушы болып табылады;
      4) "педагог-зерттеуші" біліктілік санатына:
      мынадай кәсіптік құзыреттері бар педагогтер:
      "педагог-сарапшы" біліктілік санатының жалпы талаптарына сәйкес келеді;
      авторлық технологиялар мен бағалау стратегиялары негізінде оқытудың (тәрбиелеу, дамыту) кіріктірілген үдерісін жүзеге асырады;
      қауіпсіз және қолайлы білім беру (дамыту) ортасын басқарады, әріптестеріне этикалық нормаларды түсінуде қолдау көрсетеді;
      педагогикалық қоғамдастық үшін білім алушылардың (тәрбиеленушілердің) даму мониторингінің нәтижелерін пайдалану бойынша ұсыныстар әзірлейді;
      әріптестерімен бірге сабақты (оқуды, қызметті, іс-шараны) зерттейді және білім беру ұйымдарында оқыту (тәрбиелеу) тәжірибесін жақсарту үшін зерттеу нәтижелерін таратады;
      облыс деңгейінде (кемінде 3 (үш) ауданды/ қаланы қамти отырып); республикалық маңызы бар қалалар мен Астанада, республикада (республикалық ведомстволық бағынысты ұйымдар мен салалық мемлекеттік органдардың білім беру ұйымдары үшін) тәжірибені таратады;
      білім басқармасы жанындағы оқу-әдістемелік кеңес немесе республикалық оқу-әдістемелік кеңес ұсынған оқу-әдістемелік материалдарды немесе бағдарламаларды әзірлейді және енгізеді;
      Тізбеге немесе облыстың (республикалық маңызы бар қалалардың, астананың) білім басқармасы немесе білім беру саласындағы уәкілетті органмен келісілген тиісті саланың уәкілетті органы бекіткен тізбеге сәйкес облыс, республикалық маңызы бар қалалар мен астана, республика деңгейінде (республикалық ведомстволық бағынысты ұйымдар және салалық мемлекеттік органдардың білім беру ұйымдары үшін) кәсіптік шеберлік конкурстарына қатысушы болып табылады;
      Тізбеге немесе облыстың (республикалық маңызы бар қалалардың, астананың) білім басқармасы немесе білім беру саласындағы уәкілетті органмен келісілген тиісті саланың уәкілетті органы бекіткен тізбеге сәйкес облыс, республикалық маңызы бар қалалар мен астана, республика (республикалық ведомстволық бағынысты ұйымдар мен салалық мемлекеттік органдардың білім беру ұйымдары үшін) деңгейінде олимпиадаларға, конкурстарға, жарыстарға қатысушылары бар;
      5) "педагог-шебер" біліктілік санатына:
      мынадай кәсіби құзыреттіліктері бар педагогтер:
      "педагог-зерттеуші" біліктілік санатының жалпы талаптарына сәйкес келеді;
      тәжірибені зерттеу нәтижелерін ескере отырып, оқытудың (тәрбиелеу, дамыту) кіріктірілген үдерісін жоспарлайды және жүзеге асырады;
      қауіпсіз және қолайлы білім беру (дамыту) ортасын құру бойынша тиімді тәжірибені таратады, этикалық нормаларды сақтаудың үлгісі болып табылады;
      педагогикалық қоғамдастықта білім алушыларды (тәрбиеленушілерді) дамыту бойынша ынтымақтастықтың тиімді тәжірибесін таратады;
      білім беру ұйымдарындағы зерттеулерді үйлестіреді, нәтижелерді педагогикалық қоғамдастыққа таратады, әріптестерінің кәсіби дамуына қолдау көрсетеді;
      республикалық оқу-әдістемелік кеңес ұсынған авторлық бағдарламаларды әзірлейді және тәжірибеге енгізеді;
      немесе білім беру саласындағы уәкілетті орган бекіткен немесе білім беру саласындағы уәкілетті орган жанындағы Республикалық оқу-әдістемелік кеңесі ұсынған оқулықтар, оқу-әдістемелік кешендер мен оқу-әдістемелік құралдар тізіміне енгізілген жарияланған оқулықтардың, оқу-әдістемелік құралдардың авторы (бірлескен авторы) болып табылады;
      Тізбеге немесе білім беру саласындағы уәкілетті органмен келісілген тиісті саладағы уәкілетті органы бекіткен тізбеге сәйкес республикалық немесе халықаралық деңгейдегі кәсіптік шеберлік конкурстарына қатысушы болып табылады;
      Тізбеге немесе республикалық ведомстволық бағынысты ұйымдар немесе білім беру саласындағы уәкілетті органмен келісілген тиісті саладағы уәкілетті орган бекіткен тізбеге сәйкес республика деңгейінде немесе халықаралық деңгейде олимпиадаларға, конкурстарға, жарыстарға, чемпионаттарға қатысушылары болады;
      республика деңгейде (кемінде 3 облысты қамти отырып) тәжірибе таратады.
      6. Педагогтерге біліктілік санатын беру атқаратын лауазымы бойынша жүзеге асырылады.
      Бір жыл өткеннен кейін "педагог-тағылымдамашы" аттестаттау рәсімінен өтпей "педагог" санатын беру үшін білім беру ұйымының бірінші басшысының атына өтініш береді. Бірінші басшы өтініш келіп түскен күннен бастап бес жұмыс күні ішінде "педагог" санатын беру туралы бұйрық шығарады.
      Егер әдістемелік кабинет (орталық) заңды тұлға болмай құрылымдық бөлімше болып табылса, онда әдістемелік кабинеттің (орталықтың) бірінші басшысы, басшысының орынбасары әдістемелік кабинеттің (орталықтың) әдіскері ретінде аттестаттау рәсімінен өтеді.
      7. Білімі туралы дипломда бір мамандық ретінде көрсетілген пәндерді оқыту кезінде біліктілік санатын беру негізгі лауазым бойынша жүргізіледі.
      Негізгі лауазым бойынша берілген біліктілік санаты білімі туралы дипломда бір мамандық ретінде көрсетілген оқытылатын пәндерге де қолданылады.
      8. Техникалық және кәсіптік, орта білімнен кейінгі білім беру ұйымдарының (оқу-өндірістік комбинаттары) педагогтеріне кезекті біліктілік санатын беру (растауды) оқытатын бейіні немесе атқаратын лауазымына сәйкес өтеді.
      9. "Көркем еңбек", "Еңбекке баулу" пәні бойынша сабақ беретін педагогтер ПББ-дан "Технология", "Бейнелеу өнері", "Сызу" мамандықтары бойынша дипломмен; "Графика және жобалау" пәні бойынша – "Бейнелеу өнері", "Сызу", "Информатика" мамандықтары бойынша дипломмен өтеді, біліктілікті бағалау, қызмет нәтижелерін кешенді талдамалық жинақтау – атқаратын лауазымы бойынша, сондай-ақ бұрын берілген біліктілік санатына сәйкес кәсіптік оқыту ескеріледі.
      10. Материалдар (портфолио) сәйкес болған жағдайда педагогтер біліктілік санатын беру үшін біліктілік бағалаудан, ПББ және қызмет нәтижелерін кешенді талдамалық жинақтау жүргізіліп:
      "екінші санаты" барларға - "педагог-модератор" немесе "педагог-сарапшы";
      "бірінші санаты" барларға - "педагог-сарапшы" немесе "педагог-зерттеуші";
      "жоғары санаты" барларға - "педагог-сарапшы", "педагог-зерттеуші" немесе "педагог-шебер" біліктілік санаты беріледі.
       11. Педагог жоғары және жоғары оқу орнынан кейінгі білім беру ұйымдарында немесе техникалық және кәсіптік, орта білімнен кейінгі білім беру ұйымдарында мамандарды кәсіби даярлау жүзеге асырылмайтын пәндерді немесе курстарды оқытқан жағдайда, оның бұрын алған санаты сақталады. Кейінгі аттестаттау осы Қағидаларда тәртіппен атқаратын лауазымы бойынша жүргізіледі.
       12. Бастапқы аттестаттау рәсіміне қатысатын білім беру ұйымының, әдістемелік кабинеттің (орталықтың) бірінші басшысы, басшысының орынбасары ПББ нәтижелеріне сәйкес біліктілік санатын беруге және санаттар кезектілігін сақтамай қызмет нәтижелерін кешенді талдамалық қорытындылауға өтініш береді. Кейінгі аттестаттау осы Қағидалармен анықталған тәртіппен бірізділік қағидатына сәйкес жүргізіледі.
 1-параграф. Мемлекеттік қызмет көрсету тәртібі
       13. Аттестаттау үшін құжаттарды беру осы Қағидаларға 1-қосымшаға сәйкес мемлекеттік қызмет көрсетуге қойылатын негізгі талаптар тізбесіне (бұдан әрі – Негізгі талаптар тізбесі) сәйкес жүзеге асырылады.
       Білім беру саласындағы уәкілетті орган айқындаған мерзімде педагог аттестаттаудан өту үшін осы Қағидаларға 2-қосымшаға сәйкес нысан бойынша өтініш береді.
      14. Мемлекеттік қызметті білім беру ұйымдары, аудандар мен облыстық маңызы бар қалалардың білім бөлімдері, облыстардың, республикалық маңызы бар қалалардың және астананың білім басқармалары, білім беру саласындағы уәкілетті орган (бұдан әрі – көрсетілетін қызметті беруші) көрсетеді.
      15. Мемлекеттік қызмет:
      Платформа арқылы - "педагог-модератор", "педагог-сарапшы" біліктілік санатына;
      электрондық үкіметтің веб - порталы (бұдан әрі – портал) арқылы - "педагог-зерттеуші", "педагог-шебер", "үшінші санаттағы басшы", "екінші санаттағы басшы", "бірінші санаттағы басшы", "үшінші санаттағы басшы орынбасары", "екінші санаттағы басшы орынбасары", "бірінші санаттағы басшы орынбасары" біліктілік санатына көрсетіледі.
       16. Құжаттарды тапсырған кезінде көрсетілетін қызметті алушының "жеке кабинетіне" бір жұмыс күні ішінде осы Қағидаларға 3-қосымшаға сәйкес нысан бойынша аттестаттаудан өтуге өтінішті қабылдау туралы хабарлама немесе осы Қағидаларға 4-қосымшаға сәйкес нысан бойынша көрсетілетін қызметті берушінің уәкілетті тұлғасының электрондық цифрлық қолтаңбасымен куәландырылған электрондық құжат нысанында өтінішті одан әрі қараудан бас тарту туралы хабарлама келіп түседі.
       Өтініш жұмыс уақыты аяқталғаннан кейін, Қазақстан Республикасының еңбек заңнамасына сәйкес демалыс және мереке күндері келіп түскен жағдайда, өтініш келесі жұмыс күні тіркеледі.
       17. Көрсетілетін қызметті беруші "Мемлекеттік көрсетілетін қызметтер туралы" Қазақстан Республикасы Заңының (бұдан әрі – Заң) 5-бабы 2-тармағының 11) тармақшасында белгіленген тәртіппен мемлекеттік қызмет көрсету мониторингінің ақпараттық жүйесіне мемлекеттік қызмет көрсету сатысы туралы мәліметтерді енгізуді қамтамасыз етеді.
       Осы Заңның 10-бабының 5) тармақшасына, 14-бабының 3) тармақшасына, 23-бабына сәйкес орталық мемлекеттік орган осы Қағидаларға өзгеріс және (немесе) толықтыру енгізген күннен бастап 3 (үш) жұмыс күні ішінде оларды өзектендіреді және Бірыңғай байланыс орталығына көрсетілетін қызметті берушіге жібереді.
       18. Мемлекеттік қызмет көрсету мәселелері бойынша шағымды қарау жоғары тұрған әкімшілік органмен, лауазымды тұлғамен, мемлекеттік қызмет көрсету сапасын бағалау мен бақылау жөніндегі уәкілетті органмен (бұдан әрі – шағымды қарайтын орган) жүзеге асырылады. 
      Шағым көрсетілетін қызметті берушіге және (немесе) шағымданған лауазымды тұлғаның шешіміне, әрекетіне (әрекетсіздігіне) беріледі.
      Шешіміне, әрекетіне (әрекетсіздігіне) шағым түскен көрсетілетін қызметті беруші, лауазымды тұлға шағым түскен күннен бастап үш жұмыс күнінен кешіктірмей шағымды және әкімшілік істі шағымды қарайтын органға жібереді.
      Бұл ретте шешіміне, әрекетіне (әрекетсіздігіне) шағым түскен көрсетілетін қызметті беруші, лауазымды тұлға, егер үш жұмыс күні ішінде шағымда көрсетілген талаптарды толық қанағаттандыратын шешім не өзге де әкімшілік іс-әрекет қабылдаса, шағымды қарайтын органға шағымды жібермеуге құқылы.
       Көрсетілетін қызметті берушінің атына келіп түскен көрсетілетін қызметті алушының шағымы Заңның 25-бабының 2-тармағына сәйкес ол тіркелген күннен бастап 5 (бес) жұмыс күні ішінде қаралуға тиіс.
      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен қызмет алушының шағымы тіркелген күнінен бастап 15 (он бес) жұмыс күні ішінде қаралуға тиіс.
       Егер Қазақстан Республикасының заңдарында басқа тәртіп көзделмесе, Қазақстан Республикасы Әкімшілік рәсімдік-процестік кодексінің 91-бабының 5-тармағына сәйкес әкімшілік (сотқа дейінгі) тәртіппен шағым жасалғаннан кейін сотқа жүгінуге жол беріледі.
 2-параграф. Аттестаттау комиссиясының құрамы және қызмет тәртібі
      19. Білім беру саласындағы уәкілетті органда, облыстың, республикалық маңызы бар қаланың және астананың, ауданның, облыстық маңызы бар қаланың білім беруді басқару органдарында, білім беру ұйымдарында (бұдан әрі – аттестаттау органы) педагогтерді аттестаттаудан өткізу үшін ағымдағы оқу жылының 1 қыркүйегіне дейін мынадай біліктілік санаттары үшін Комиссиялар құрылады:
      1) білім беру ұйымдарында: "педагог-модератор";
      2) ауданның (қаланың), облыстық маңызы бар қаланың білім беруді басқару органында: "педагог-сарапшы", "үшінші санаттағы басшының орынбасары", "екінші санаттағы басшының орынбасары", "үшінші санаттағы басшы", "екінші санаттағы басшы";
      3) облыстың, республикалық маңызы бар қаланың және астананың білім беруді басқару органында:
      "педагог-зерттеуші", "бірінші санаттағы басшының орынбасары", "бірінші санаттағы басшы";
      ведомстволық бағыныстағы білім беру ұйымдары, әдістемелік кабинеттер (орталықтар) үшін: "педагог-сарапшы", "үшінші санаттағы басшының орынбасары", "екінші санаттағы басшының орынбасары", "үшінші санаттағы басшы", "екінші санаттағы басшы";
      4) білім беру саласындағы уәкілетті органның жанынан:
      "педагог-шебер";
      білім беру ұйымдары, әдістемелік кабинеттер (орталықтар), ведомстволық салалық мемлекеттік органның бағыныстағы білім беру ұйымдары үшін: "педагог-сарапшы", "педагог-зерттеуші", "үшінші санаттағы басшының орынбасары", "екінші санаттағы басшының орынбасары", "бірінші санаттағы басшының орынбасары", "үшінші санаттағы басшы", "екінші санаттағы басшы", "бірінші санаттағы басшы".
      20. Педагогтерді аттестаттау жөніндегі Комиссияның құрамына кемінде 7 (жеті) жыл жұмыс өтілі бар және "педагог-сарапшы" (білім беру ұйымы деңгейінде), "педагог-зерттеуші", "педагог-шебер", "үшінші санаттағы басшы", "екінші санаттағы басшы", "бірінші санаттағы басшы", "үшінші санаттағы басшының орынбасары", "екінші санаттағы басшының орынбасары", "бірінші санаттағы басшының орынбасары" біліктілік санаттары бар педагогтер, әдістемелік кабинеттердің (орталықтардың), педагогтердің біліктілігін арттыру ұйымдарының әдіскерлері, кәсіби қауымдастықтардың, қоғамдық, үкіметтік емес және кәсіподақ ұйымдарының өкілдері, білім беруді басқару органдарының, ведомстволық бағынысты ұйымдарының мамандары кіреді.
       Комиссияның өкілеттілігі қолданыста болған кезеңде білім беру ұйымы Комиссиясының құрамына осы білім беру ұйымында аттестатталатын педагогтер кірмейді. 
      21. Комиссия мүшелері тақ саннан (7-ден (жетіден) кем емес) тұрады. Комиссия төрағасы бірінші отырыста қарапайым көпшілік дауыспен жасырын дауыс беру арқылы Комиссия мүшелерінің арасынан сайланады. Дауыстар тең болған жағдайда қайта дауыс беру жүргізіледі. Комиссия төрағасы бір жыл мерзімге сайланады. Қайта сайлауға қатарынан бір реттен артық емес рұқсат етіледі. Комиссия мүшелері Комиссия отырыстарына алмасу құқығынсыз қатысады. Комиссия хатшысы Комиссия отырысына қажетті материалдар мен құжаттарды дайындайды, хаттаманы рәсімдейді және қол қояды. Комиссия хатшысы комиссия мүшесі болып табылмайды.
      22. Комиссияның отырысы, егер оның құрамының кемінде үштен екісі қатысса, заңды деп есептеледі.
      Дауыс беру нәтижелері Комиссия мүшелерінің көпшілік дауысымен айқындалады. Дауыстар тең болған жағдайда Комиссия төрағасының дауысы шешуші болып табылады.
      23. Комиссияның өкілеттік мерзімі Комиссия құрамын бекіту туралы бұйрық шығарылған күннен бастап бір жылды құрайды.
       24. Комиссия педагогтерді аттестаттау нәтижелері бойынша қорытынды шешімді келесі тұжырымда қабылдайды: 
       1) мәлімделген біліктілік санатына сәйкес келеді; 
      2) мәлімделген біліктілік санатына сәйкес келмейді.
      "Мәлімделген біліктілік санатына сәйкес келмейді" шешімін қабылдаған жағдайда қолданыстағы біліктілік санатын сақтау немесе қолданыстағыдан төмен біліктілік санатын беру туралы шешім қабылданады.
      Қызмет нәтижелерін кешенді талдамалық жинақтау материалдары мәлімделген біліктілік санатына сәйкес келген, бірақ ПББ өтудің шекті деңгейіне жетпеген жағдайда педагогке біліктілік санатын беру жағдайында ПББ нәтижелерінен жоғары емес біліктілік санаты беріледі.
       Комиссия мерзімінен бұрын аттестаттау кезінде "мәлімделген біліктілік санатына сәйкес келмейді" деген шешім қабылдаған жағдайда, қолданыстағы біліктілік санаты қолданылу мерзімі аяқталғанға дейін сақталады. 
       25. Комиссияның шешімі осы Қағидаларға 5-қосымшаға сәйкес нысан бойынша хаттамамен рәсімделеді. Комиссия осы Қағидаларға 6-қосымшаға сәйкес нысан бойынша комиссия отырысының хаттамасынан үзінді көшірмені педагогтің электронды поштасына ("жеке кабинетіне") жолдайды. 
       26. Комиссия хаттамасының негізінде аттестаттау органы біліктілік санатын беру (растау) туралы бұйрық шығарады. Білім беру ұйымы бұйрық негізінде осы Қағидаларға 7-қосымшаға сәйкес нысан бойынша біліктілік санатын беру (растау) туралы куәлік береді.
      Педагогтердің, әдіскерлердің, басшы орынбасарларының біліктілік санатының қолданылу мерзімі – 5 (бес) жыл, басшылардың - 3 (үш) жыл.
      27. Бір білім беру ұйымынан басқа білім беру ұйымына немесе әдістемелік сүйемелдеуді жүзеге асыратын ұйымға ауысқан кезде немесе педагогикалық қызметті қоса атқару немесе қосымша атқару шарттарында жүзеге асырған кезде немесе педагогтің қызмет бейініне сәйкес білім беру ұйымында педагогті (оның ішінде әдіскерді) басқа лауазымға тағайындаған кезде қолданылу мерзімі аяқталғанға дейін қолданыстағы біліктілік санаты сақталады.
      28. Техникалық және кәсіптік, орта білімнен кейінгі білім беру ұйымдарына арнайы пәндер бойынша педагогтер және өндірістік оқыту шеберлері лауазымдарына жұмысқа қабылданған педагогтерге лауазымға тағайындау кезінде тиісті деңгейдегі Комиссия аттестаттау рәсімінен өтпей-ақ өтініш негізінде соңғы бейіні бойынша өндірісте жұмыс өтілі:
       5 (бес) жылдан кем емес болған жағдайда – "педагог-модератор"; 
      10 (он) және одан астам жұмыс өтілі болған жағдайда – "педагог-сарапшы" біліктілік санатын береді.
      Біліктілік санатын беру жөніндегі Комиссияның отырысы өтініш келіп түскен күннен бастап бес жұмыс күні ішінде өткізіледі.
       Кейінгі аттестаттау осы Қағидаларда анықталған тәртіппен жүргізіледі.
      29. Педагогтің біліктілік санатының қолданылу мерзімі мынадай жағдайларда тоқтатылады және жұмысқа шыққаннан кейін екі жылдан аспайтын мерзімге сақталады:
      денсаулық сақтау саласындағы уәкілетті орган бекіткен әлеуметтік мәні бар және айналасындағыларға қауіп төндіретін аурулар тізбесіне енгізілген аурулары бар болған жағдайда еңбекке уақытша жарамсыздық кезінде;
      жүктілігі және босануы, бала күтімі жөніндегі демалыстан шыққаннан кейін, оның ішінде жаңа туған баланы (балаларды) асырап алған қызметкерлер үшін ол үш жасқа толғанға дейін;
       өндірістен қол үзіп жоғары оқу орнынан кейінгі білім алу немесе мамандық бойынша тағылымдамадан өту; 
      әскери қызметті өткеру кезінде.
       Біліктілік санатының қолданылу мерзімі екі жылдан аспайтын мерзімге сақталады: 
      педагог басқа білім беру ұйымына ауысқанда;
      педагог білім беру саласындағы уәкілетті органнан, білім беруді басқару органдарынан, әдістемелік кабинеттерден (орталықтардан) немесе педагогтердің біліктілігін арттыру ұйымдарынан білім беру ұйымына ауысқанда.
      Жұмысқа шыққаннан кейін педагог тиісті құжаттарды қоса бере отырып, біліктілік санатын сақтау туралы өтініш береді. Педагогтің өтініші негізінде білім беру ұйымының бірінші басшысы өтініш келіп түскен күннен бастап бес жұмыс күні ішінде біліктілік санатын сақтау туралы бұйрық шығарады.
      30. Жасы бойынша зейнеткерлікке төрт жылдан аз қалған педагогтер аттестаттау рәсімінен босатылады. Педагогтердің қолданыстағы біліктілік санаты өтініші негізінде зейнеткерлік жасқа толғанға дейін сақталады.
       Зейнеткерлікке шыққаннан кейін педагогикалық қызметті жүзеге асыруды жалғастыратын зейнеткерлік жастағы педагогтер осы Қағидалардың 57-тармағына сәйкес аттестаттаудан өтеді.
      31. "Педагог (оқытушы)", "бөлімше (бөлім) меңгерушісі (басшысы)", "өндірістік оқыту шебері", "аға шебер", "әдіскер", "педагог-ұйымдастырушы" лауазымдарының бірі бойынша берілген біліктілік санаты аталған лауазымдардың кез келгеніне ауысу және қоса атқару немесе қоса атқару шарттарында педагогикалық қызметті жүзеге асыру кезінде сақталады.
      32. . Комиссия біліктілік санатын береді:
      "педагог-модератор" біліктілік санаты Президенттің кадр резервіне кірген немесе ғылым кандидаты/докторы немесе PhD докторы дәрежесі бар тұлғаларға, жоғары оқу орнын аяқтағаннан кейін бес жылдан кеш емес кезеңде Nazarbayev University, "Болашақ" бағдарламасы бойынша оқуға ұсынылған шетелдік жоғары және жоғары оқу орнынан кейінгі білім беру ұйымдарының түлектеріне, қолданыстағы Сэлта CELTA сертификаты (сертифекейт ин инглиш лэнгуиж тичинг ту адалтс. Кембридж Certificate in English Language Teaching to Adults. Cambridge) пас энд эбав Pass and above) және қолданыстағы Дэлта DELTA сертификаты (диплом ин инглш лэнгуидж тичинг ту адалтс Diploma in English Language Teaching to Adults) пас энд эбав Pass and above) бар шет тілі педагогтеріне; білім беру саласындағы уәкілетті органнан, білім беруді басқару органдарынан, біліктілікті арттыру институттарынан, жоғары және жоғары оқу орнынан кейінгі білім беру ұйымдарынан білім беру ұйымдарына ауысқан тұлғаларға беріледі.
       Кейінгі аттестаттау осы Қағидаларда анықталған тәртіппен жүргізіледі.
       33. "Педагогтер тапшылығы бар өңірлерге үздік педагогтерді тиісті қолдау шараларының пакетімен тарту қағидаларын бекіту туралы (Арнайы бағдарлама)" Қазақстан Республикасы Үкіметінің 2022 жылғы 13 маусымдағы № 390 қаулысына сәйкес жұмысқа қабылданған педагогтерге аттестаттау рәсімінен өтпестен өтініші бойынша:
      жоғары және жоғары оқу орнынан кейінгі білім беру ұйымдарының түлектеріне – "педагог-модератор";
      "педагог-сарапшы", "педагог-зерттеуші" біліктілік санаты бар педагогтерге – бір деңгейге жоғары біліктілік санаты беріледі.
      Басқа білім беру ұйымына ауысқан кезде педагогтер қолданылу мерзімі аяқталғанға дейін Арнайы бағдарлама шеңберінде берілген біліктілік санатын растау рәсімінен өтеді.
       Кейінгі аттестаттау осы Қағидаларда анықталған тәртіппен жүргізіледі.
      34. Білім беру ұйымының басшысы немесе басшысының орынбасары лауазымына тағайындалған кезде Комиссияның шешімі бойынша "бірінші санаттағы басшы", "бірінші санаттағы басшының орынбасары" біліктілік санатын аттестаттау рәсімінен өтпей беріледі:
      білім берудегі өзгерістер көшбасшыларын іріктеу және даярлау бағдарламасы бойынша оқудан өткен және кадр резервіне кірген педагогтерге;
      білім беруді басқару органдарынан, білім беру саласындағы уәкілетті органнан білім беру ұйымына ауысатын және мемлекеттік қызмет лауазымдарында кемінде 5 (бес) жыл өтілі бар адамдарға.
       Кейінгі аттестаттау осы Қағидаларда анықталған тәртіппен жүргізіледі.
      35. "Басшы-ұйымдастырушы" біліктілік санаты "үшінші санаттағы басшы" біліктілік санатына; "басшы-менеджер" біліктілік санаты "екінші санаттағы басшы" біліктілік санатына; "басшы-көшбасшы" біліктілік санаты "бірінші санаттағы басшы" біліктілік санатына теңестіріледі.
      36. Білім беру ұйымының, әдістемелік кабинеттің (орталықтың) бірінші басшысы, басшысының орынбасары ұйымға немесе бір білім беру ұйымынан екіншісіне ауысқан кезде қолданыстағы біліктілік санаты басшы, басшының орынбасары, әдіскер, бөлім (бөлімше) меңгерушісі лауазымының қолданылу мерзімі аяқталғанға дейін сақталады.
      Бірінші басшы білім беру ұйымы басшысының орынбасары лауазымына және керісінше ауысқан кезде басшының (басшының орынбасарының) қолданыстағы біліктілік санаты келесідей лауазымдар бойынша біліктілік санаттары шеңберінде оның қолданылу мерзімі аяқталғанға дейін сақталады:
      "бірінші санатты басшы" - "бірінші санаттағы басшының орынбасары";
      "екінші санаттағы басшы" - "екінші санаттағы басшының орынбасары";
      "үшінші санаттағы басшы" - "үшінші санаттағы басшының орынбасары".
       Басшының орынбасары лауазымына немесе керісінше тағайындалған педагогтерге (біліктілікке қойылатын талаптарға сәйкес) біліктілік санаты теңестіріледі және біліктілік санатының қолданылу мерзімі екі жылдан аспайтын мерзімге сақталады: 
      "педагог-сарапшы" - "үшінші санаттағы басшының орынбасары";
       "педагог-зерттеуші" - "екінші санаттағы басшының орынбасары"; 
      "педагог-шебер" - "бірінші санаттағы басшының орынбасары".
       Кейінгі аттестаттау атқаратын лауазымы бойынша осы Қағидаларда айқындалған тәртіппен жүргізіледі.
 3-Параграф. Педагогтердің білімін бағалауды жүргізу тәртібі мен шарттары
       37. ПББ аттестатталушының осы Қағидаларға 8-қосымшаға сәйкес білім беру саласындағы уәкілетті орган айқындаған мерзімде аттестатталушының қашықтықтағы форматта берілетін өтінішіне сәйкес жүргізіледі.
      38. ПББ келесі тапсырмалардан тұрады:
      1) мектепке дейінгі ұйымдар мен жалпы білім беретін мектептердің, лицейлердің және гимназиялардың мектепалды сыныптарының педагогтері үшін:
      "Бейіні бойынша әдістемелерді білу, мектепке дейінгі педагогика және психология" – елу тапсырма.
      2) бастауыш білім беру педагогтері үшін:
      "Пәндік білім" - 50 (елу) тапсырма;
      3) негізгі орта, жалпы орта білім беру педагогтері үшін:
      "Пәндік білім" – 50 (елу) тапсырма;
      4) қосымша білім беру ұйымдарының педагогтері үшін:
      "Педагогика және психология негіздері" - 50 (елу) тапсырма;
       5) арнайы ұйымдардың, жетім балалар мен ата-анасының қамқорлығынсыз қалған балаларға арналған білім беру ұйымдарының, интернаттық ұйымдардың, жатақханалардың тәрбиешілері, педагог-психологтары, педагог-ассистенттер, әлеуметтік педагогтер, кәсіби бағдар берушілер, тәлімгерлер үшін: 
      "Педагогика және психология негіздері" - 50 (елу) тапсырма;
      6) арнайы білім беру ұйымдарының педагогтері мен білім беру ұйымдарының арнайы педагогтері үшін:
      "бейіні бойынша пәндік білім" - 50 (елу) тапсырма;
      7) техникалық және кәсіптік, орта білімнен кейінгі білім беру ұйымдары (оқу-өндірістік комбинаттар) үшін:
      жалпы білім беретін пәндер, жалпы кәсіптік және арнайы пәндер, жалпы гуманитарлық және әлеуметтік-экономикалық пәндер бойынша оқытушылар, өндірістік оқыту шеберлері:
      "Пәндік білім" – 50 (елу) тапсырма;
      басқа лауазымдардың педагогтері үшін:
      "Педагогика және психология негіздері" - 50 (елу) тапсырма;
      8) білім беру ұйымдарының (әдістемелік кабинеттердің (орталықтардың) бірінші басшылары, басшының орынбасарлары үшін:
      "Қазақстан Республикасының заңнамасын және білім саласындағы нормативтік құқықтық актілерді білу" бағыты бойынша – 60 (алпыс) тест тапсырмасы:
      9) әдістемелік кабинеттердің (орталықтардың) әдіскерлері, бөлімдердің (бөлімшелердің, бөлімнің, сектордың, кабинеттің) меңгерушілері (басшылары) үшін:
      "Оқыту әдістемесі, Қазақстан Республикасының заңнамасын және білім саласындағы нормативтік құқықтық актілерін білу" - 50 (елу) тапсырма.
       Педагогтердің білімін бағалау балдарын бөлу осы Қағидаларға 9-қосымшаға сәйкес жүзеге асырылады.
      39. ПББ нәтижесі шекті деңгейге жеткен жағдайда оң деп есептеледі:
      1) барлық лауазымдағы педагогтер үшін:
      "педагог"/"педагог-тағылымдамашы" біліктілік санаты - 50%;
      "педагог-модератор" біліктілік санаты - 60%;
      "педагог-сарапшы" біліктілік санаты - 70%;
      "педагог-зерттеуші" біліктілік санаты - 80%;
      "педагог-шебер" біліктілік санаты - 90%;
      2) білім беру ұйымдарының, әдістемелік кабинеттердің (орталықтардың) бірінші басшылары, басшыcының орынбасарлары үшін – 70%;
      3) әдістемелік кабинеттердің (орталықтардың) әдіскерлері, бөлімдердің (бөлімшелердің, бөлімнің, сектордың, кабинеттің) меңгерушілері (басшылары) үшін:
      "педагог"/"педагог-тағылымдамашы" біліктілік санаты - 50 %;
      "педагог-модератор" біліктілік санаты - 60 %;
      "педагог-сарапшы" біліктілік санаты - 70 %;
      "педагог-зерттеуші" біліктілік санаты - 80 %;
      "педагог-шебер" біліктілік санаты - 90 %.
      40. Педагогтерге нұсқау беру уақытын есепке алмағанда ПББ орындау ұзақтығы:
      педагогтер үшін – 80 (сексен) минут, "Математика", "Физика", "Химия", "Информатика" пәндері үшін – 125 (жүз жиырма бес минут);
      білім беру ұйымдарының (әдістемелік кабинеттердің (орталықтардың) бірінші басшылары, басшының орынбасарлары, әдістемелік кабинеттер (орталықтар) әдіскерлері үшін – 90 (тоқсан минут);
      мүмкіндіктері шектеулі (көру, есту, тірек-қимыл аппараты бұзылған) тұлғалар үшін қосымша 40 (қырық) минут беріледі.
      41. ПББ:
      педагогтер, басшылар, басшылардың орынбасарлары кезекті аттестаттауда жылына 1 (бір) рет – тегін, 1 (бір) рет – білім саласындағы уәкілетті орган бекіткен сомаға сәйкес ақылы негізде;
      мерзімінен бұрын аттестаттауға үміткер педагогтер жылына 1 (бір) рет – тегін;
      тиісті бейіні бойынша педагогикалық немесе өзге де кәсіптік білімі бар немесе педагогикалық қайта даярлау туралы құжаты бар өтілі жоқ тұлғалар, сондай-ақ педагогикалық қызметті қайта бастауға тілек білдірген тұлғалар – 1 (бір) рет - тегін, кейінгілері – білім беру саласындағы уәкілетті орган бекіткен сомаға сәйкес ақылы негізде өтеді.
       Сынамалық тестілеу (педагогтің қалауы бойынша) ақылы негізде жыл бойы өтеді. 
      42. ПББ өткізу кезінде білім басқармасы органдарының өкілдері бақылаушы ретінде қатысады.
      Бақылаушы тестілеу кезінде педагогтерге жәрдемдеспейді, тестілеуді өткізуге кедергі келтіретін іс-әрекеттер жасауға жол бермейді. Тестілеуді өткізу тәртібін бұзған жағдайда бақылаушы өз функцияларын орындаудан шеттетіледі.
       43. "Медициналық-әлеуметтік сараптама жүргізу қағидаларын бекіту туралы" Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 29 маусымдағы № 260 (нормативтік құқықтық актілерді мемлекеттік тіркеу тізілімінде № 32922 болып тіркелген) бұйрығымен бекітілген мүгедектікті анықтау туралы құжат болған жағдайда мүмкіндігі шектеулі (көру, есту, тірек-қимыл аппараты бұзылған) тұлғалар мүгедектікті анықтау туралы құжаттарды өтінішке тіркейді, онда көмекшіні ұсыну қажеттігі қосымша көрсетіледі.
      Білім беру саласындағы уәкілетті орган анықтаған ұйым педагогпен туыстық және басқа да байланысы жоқ, ПББ шеңберінде тапсырылатын пәндер педагогі болып табылмайтын ұйым қызметкерлерінің қатарынан көмекші тағайындайды.
      44. ПББ өтуге өтініш берген кезде педагогтер тапсыру тілін (қазақ, орыс), күнін, уақытын, тестілеу орнын таңдайды. ПББ өтуге бір күн қалғанда педагогке өтініште көрсетілген электрондық поштаға тестілеу күні, уақыты, орны туралы хабарлама жіберіледі.
      45. Отырғызу аяқталғаннан кейін ПББ басталғанға дейін, ПББ өткізу қағидалары бойынша нұсқаулық жүргізіледі.
      ПББ жүргізу кезінде:
      тапсырмалардың мазмұнын талқылау және жария ету;
      тестілеу техникасы мен қауіпсіздік жүйесіне қасақана зиян келтіруге;
      ПББ өтуіне байланысты тестілеу жүйесіне бұзушылық әрекет жасап, араласуға;
      дәліз бойынша кезекші қызметін атқаратын адамның рұқсатынсыз және сүйемелдеуінсіз аудиториядан (компьютерлік кабинеттен) шығуға;
      аттестатталушылардың денсаулығына байланысты жағдайларды қоспағанда, аудиториядан (компьютерлік кабинеттен) 10 (он) минуттан аспайтын және 1 (бір) реттен артық шығуға, бұл ретте тестілеудің алғашқы және соңғы 15 (он бес) минутында шығуға жол берілмейді;
      сөйлесуге, бір орыннан екінші орынға ауысуға;
      жұмыс үшін берілген құжаттар мен А4 қағаздармен алмасуға;
      аудиторияға (компьютерлік кабинетке) келесі тыйым салынған заттарды: камералар, кез-келген ұялы байланыс құралдары (пейджер, ұялы телефондар, планшеттер, iPad (Айпад), iPod (Айпод), SmartPhone (смартфон), рациялар, ноутбуктер, плеерлер, модемдер (мобильді маршрутизаторлар), смарт сағаттар, смарт көзілдіріктер, фитнес-білезіктер (трекерлер), диктофон, сымды құлаққаптар, сымсыз, микроқұлаққаптар, сымсыз бейнекамералар, GPS (ДжиПиЭс) навигаторлар, GPS (ДжиПиЭс) трекерлер, қашықтан басқару құрылғылары, сонымен қатар келесі стандарттарда жұмыс істейтін басқа да ақпарат алмасу құрылғылары: GSM (ДжиСиМ), 3G (3 Джи), 4G (4 Джи), 5G (5 Джи), VHF (ВиЭйчЭф), UHF (ЮЭйчЭф), Wi-Fi (Вай-фай), GPS (ДжиПиЭс), Bluetooth (Блютуз), Dect (Дект) енгізуге;
      аудиторияға (компьютерлік кабинетке) шпаргалкаларды, оқу-әдістемелік әдебиеттерді, Менделеевтің периодтық және тұздардың ерігіштік кестелерін, калькуляторды, түрлі форматтағы қағаздарды енгізуге;
      аудиториядан (компьютерлік кабинеттен) кез келген форматтағы қағазды, соның ішінде бос парақтарды шығаруға жол берілмейді.
      Аттестатталушы аудиториядан шыққан және қайта кірген кезде жол берілмейтін заттардың бар-жоғын тексеру жүзеге асырылады.
       46. Осы Қағидалардың 45-тармағында көрсетілген талаптарды бұзу дерегі анықталған, сондай-ақ біліктілік санатын беруге (растауға) өтініш уақтылы берілмеген жағдайда Комиссияның шешімі бойынша педагогке бір жыл мерзімге қолданыстағы деңгейден бір деңгейге төмен біліктілік санаты беріледі. Біліктілік санатын беруге (растауға) кейінгі аттестаттау осы Қағидаларда анықталған тәртіппен бірізділік қағидатына сәйкес жүргізіледі.
       ПББ өткізу қағидаларын бұзу деректері қайта анықталған жағдайда педагог, бөлімнің басшысы (меңгерушісі), әдістемелік кабинеттің (орталықтың) әдіскері, білім беру ұйымы, әдістемелік кабинеттің (орталықтың) басшысының орынбасары – бес жылға, білім беру ұйымының, әдістемелік кабинеттің (орталықтың) басшысы – үш жылға аттестаттаудан өтуге жіберілмейді, бұл ретте біліктілік санаты Комиссияның шешімі бойынша "педагог", "басшы", "басшының орынбасары" санаттарына дейін төмендейді. Біліктілік санатын беруге (растауға) кейінгі аттестаттау осы Қағидаларда анықталған тәртіппен бірізділік қағидатына сәйкес жүргізіледі.
       47. ПББ өткізу талаптарын бұзу дерегі анықталған жағдайда, осы Қағидалардың 45-тармағында көрсетілген жол берілмейтін заттарды анықтаған кезде, ПББ жүргізу кезінде немесе ПББ өткізу бейнежазбасын қарау кезінде, тапсыру мерзіміне қарамастан, осы Қағидаларға 10-қосымшаға сәйкес педагогтің білімін бағалауды жүргізу қағидалары мен шарттарын бұзу актісі жасалады, ПББ нәтижелері жойылады.
      48. ПББ нәтижесімен келіспеген жағдайда, аттестатталушы ПББ өткізу залынан шықпай әрбір тапсырма бойынша дәлелді (толық түсіндірмесі, тапсырмалардың қадамдық шешімі) негіздемесімен тестілеу аяқталғаннан кейін 30 (отыз) минут ішінде компьютерлік тестілеу жүйесі арқылы апелляцияға өтініш береді. ПББ өткізу залынан шыққаннан кейін педагогтің апелляцияға өтініші қабылданбайды.
      Әрбір тапсырма бойынша дәлелді негіздемесіз (толық түсіндірме, тапсырмаларды кезең-кезеңімен шешу) барлық тапсырмаларды қайта қарау бойынша апелляцияға берілген өтініш қарауға жатпайды.
       49. Апелляция мынадай жағдайларда: 
      1) тест тапсырмаларының мазмұны бойынша:
      дұрыс жауаптың негіздемесімен келіспегенде;
      дұрыс жауап болмағанда;
      бірден көп дұрыс жауап болғанда;
      тест тапсырмасы дұрыс құрастырылмаған жағдайда;
      2) тапсырмаларда фрагменттің немесе мәтіннің болмаған жағдайында, техникалық себеп бойынша қаралады.
      50. Апелляцияны өткізу үшін білім беру саласындағы уәкілетті орган компьютерлік тестілеу жүйесі арқылы апелляцияға берген өтініштерді қарау бойынша Апелляциялық комиссия құрады.
      51. Апелляциялық комиссия құрамына білім беру саласындағы уәкілетті органның, кәсіптік қоғамдастықтардың, қоғамдық, үкіметтік емес және кәсіподақ ұйымдарының өкілдері, білім беру ұйымдарының педагогтері кіреді.
      Апелляциялық комиссия тақ саннан тұрады. Апелляциялық комиссияның мүшелері отырыстарға ауысу құқығынсыз қатысады.
      Апелляциялық комиссия өкілеттігінің қолданылу мерзімі бір жылды құрайды.
      52. Апелляциялық комиссияның шешімі хаттамамен рәсімделеді. Апелляциялық комиссия отырыстарының хаттамасы уәкілетті орган бекіткен ұйымда бір жыл сақталады.
      Апелляциялық комиссиянының қарау мерзімі 15 (он бес) жұмыс күнін құрайды.
      Апелляциялық комиссияның шешімі түпкілікті болып табылады және қайта қарауға жатпайды.
       53. Осы Қағидаларға 11-қосымшаға сәйкес нысан бойынша ПББ-дан өткендігі туралы сертификат компьютерлік тестілеу аяқталғаннан кейін беріледі.
      Педагогтердің ПББ нәтижесі ПББ тапсырған күннен бастап бір жылға жарамды болып саналады.
      54. ПББ-дан өткен аттестатталушылардың электрондық дерекқорын сақтау бес жыл ішінде қамтамасыз етіледі.
      55. Аттестаттаушы органның Комиссиясы шетел (ағылшын, неміс, француз) тілі педагогіне өтініш пен тілді меңгеру деңгейі бойынша сертификат негізінде, ПББ рәсімінен өтпей, қызмет нәтижелерін кешенді талдамалық жинақтау қорытындысы бойынша біліктілік санатын береді:
      1) "педагог-модератор":
      ағылшын тілі: айелтс (IELTS) – 6,5 балл немесе тойфл (TOEFL) (іnternet Based Test (іBT) – 79-84 балл;
      француз тілі: дельф (DELF) – В2;
      неміс тілі: гесэ-цэтификат (Goethe-Zertifikat) – В2.
      2) "педагог-сарапшы":
      ағылшын тілі: айелтс (IELTS) – 6,5 балл немесе тойфл (TOEFL) (іnternet Based Test (іBT)) – 85-93 балл;
      француз тілі: дельф (DELF) – В2;
      неміс тілі: гесэ-цэтификат (Goethe-Zertifikat) – В2;
      3) "педагог-зерттеуші":
      ағылшын тілі: айелтс (IELTS) – 7 балл немесе тойфл (TOEFL) (Интернет бейсд тест (Ай Би Ти) іnternet Based Test (іBT)) – 94-101 балл;
      француз тілі: Дельф (DELF) – С1;
      неміс тілі: гесэ-цэтификат (Goethe-Zertifikat) – С1;
      4) "педагог-шебер":
       ағылшын тілі: Айелтс (IELTS) – 7,5 балл немесе тойфл (TOEFL) (Интернет бейсд тест (Ай Би Ти) іnternet Based Test (іBT)) – 102-109 балл; 
      француз тілі: Дельф (DELF) – С1;
      неміс тілі: гесэ-цэтификат (Goethe-Zertifikat) – С1.
      56. Шетел (қытай, түрік, араб) тілдерін оқытатын педагогтерге жеке өтініш пен бірінші тіл ретінде сөйлейтін елдерде ресми танылған қолданыстағы сертификат негізінде, ПББ рәсімінен өтпей-ақ қызмет нәтижелерін кешенді талдамалық жинақтау нәтижесі бойынша Комиссия:
      В2 деңгейі – "педагог-модератор";
      С1 немесе С2 деңгейі – "педагог-сарапшы" біліктілік санатын береді.
      57. Барлық лауазымдардың педагогтері келесі жағдайларда ПББ тапсырудан босатылады және қызметінің нәтижелерін кешенді қорытындылаудан өтеді:
      1) қолданыстағы жүйе бойынша бұрын берілген біліктілік санатын растаған жағдайда 30 (отыз) және одан да көп жыл педагогикалық өтілі бар;
       2) "бірінші" немесе "жоғары" біліктілік санаты бар педагогтер "педагог-модератор" біліктілік санатына берген кезде; 
      3) "педагог-зерттеуші", "педагог-шебер" біліктілік санатын қатарынан екі реттен артық емес растаған жағдайда.
 4-параграф. Қызмет нәтижесін кешенді талдамалық жинақтауды өткізу тәртібі
      58. Комиссия қаңтар мен тамыз аралығында педагогтердің құжаттарын (портфолиосын) қарайды.
      59. Материалдарға (портфолиоға) педагогтің эссесі (250-300 сөз) енгізіледі. Эссе тақырыптарын жыл сайын білім беру саласындағы уәкілетті орган айқындайды.
      Материалдарды (портфолионы) қалыптастыру кезінде академиялық адалдық қағидаты сақталады.
      60. "Педагог-модератор", "педагог-сарапшы" біліктілік санатына берген педагогтің материалдары (портфолиосы) Платформада әртүрлі дерекқорлардан құжаттарды (мәліметтерді) жинау және өңдеу арқылы қалыптастырылады.
      Платформада әр түрлі дерекқорлардан жинақталатын цифрланған мәліметтер немесе құжаттар (мәліметтер) жетіспеген жағдайда білім беру ұйымының басшысы бұйрығымен тағайындалған жауапты тұлғасының деректерді қолмен енгізуіне жол беріледі.
      Педагог жеке кабинетте автоматты түрде енгізілген және жинақталған деректердің толықтығын тексереді.
      Комиссия педагогтің материалдарына (портфолиосына) өзгерістер немесе толықтырулар енгізе алмайды.
       61. Комиссия мүшелері осы Қағидаларға 12-қосымшаға сәйкес педагогтің материалдарын (портфолиосын) бағалау парақтарын 12 және 13-қосымшаға сәйкес білім беру ұйымы басшысының материалдарын (портфолиосын) бағалау парақтарын толтырады. Осы қағидаларға 14-қосымшаға сәйкес орта (арнайы), қосымша, техникалық және кәсіптік, орта білімнен кейінгі білім беру ұйымы, жетім балалар мен ата-анасының қамқорлығынсыз қалған балаларға арналған білім беру ұйымдары педагогінің сабағын (сабақтарын, ұйымдастырылған қызметін, іс-шарасын) бақылау парағы толтырылады.
      Педагогтің материалдарын (портфолиосын) қарау кезінде аудио немесе бейнежазба жүргізіледі, ол аттестаттау жүргізетін органда кемінде бір жыл сақталады.
      62. Комиссия педагогтің материалдарын (портфолиосын) қарау кезінде білім беру саласындағы уәкілетті орган айқындаған ұйымның дерекқорында ұсынылған деректерде ПББ сертификатының сәйкестігін тексеруді жүзеге асырады.
       Материалдарды (портфолионы) қалыптастыру кезінде дәйексіз мәліметтер беру фактісі анықталған жағдайда, педагог, бөлім басшысы (меңгерушісі), әдістемелік кабинеттің (орталықтың) әдіскері, білім беру ұйымының, әдістемелік кабинет (орталық) басшысының орынбасары бес жылға аттестаттаудан өтуге жіберілмейді, білім беру ұйымының, әдістемелік кабинеттің (орталықтың) бірінші басшысы – үш жылға жіберілмейді, бұл ретте педагогтердің біліктілік санаты "педагог", "басшы", "басшының орынбасары" санаттарына дейін төмендетіледі. Кейінгі аттестаттау осы Қағидаларда анықталған тәртіппен бірізділік қағидатына сәйкес біліктілік санатын беру (растау) үшін жүргізіледі.
 5-параграф. Педагогтерге біліктілік санаттарын мерзімінен бұрын беру (растау) тәртібі
      63. Қызметтің тиісті нәтижелері болған кезде кезекті аттестаттаудан кейін кемінде 2 (екі) жыл өткен соң біліктілік санатын мерзімінен бұрын беруге жол беріледі.
      1) "педагог-сарапшы" - педагог кемінде төрт талапқа сәйкес болуы тиіс:
      Тізбеге немесе облыстық деңгейдегі білім беруді басқару органы бекіткен немесе білім беру саласындағы уәкілетті органмен келісілген тиісті саланың уәкілетті органы бекіткен тізбеге сәйкес облыстық, республикалық деңгейлердегі кәсіптік шеберлік конкурстарының жүлдегері немесе жеңімпазы болып табылады;
      Тізбеге немесе облыстық деңгейдегі білім беруді басқару органы бекіткен немесе білім беру саласындағы уәкілетті органмен келісілген тиісті саланың уәкілетті органы бекіткен тізбеге сәйкес облыстық, республикалық деңгейдегі олимпиадалардың, конкурстардың, жарыстардың, чемпионаттардың жеңімпазын немесе жүлдегерін дайындаған педагогтер;
      аудандық/қалалық деңгейдегі "Үздік педагог" атағына ие болған;
      облыс, республикалық маңызы бар қалалар, республика деңгейінде тәжірибені жинақтайды (ведомстволық бағынысты ұйымдар мен салалық мемлекеттік органдардың білім беру ұйымдары үшін);
      аудан/қала білім бөлімінің оқу-әдістемелік кеңесі ұсынған оқу-әдістемелік кешеннің немесе бағдарламаның немесе әдістемелік материалдардың авторы болып табылады;
      С1 (CEFR) деңгейінде ағылшын тілін меңгерген және пәндерді ағылшын тілінде оқытады;
      бейіндік пән бойынша халықаралық дәрежедегі кандидат немесе спорт шебері болып табылады;
      бейіні бойынша жоғары біліктілік разряды бар өндірістік оқыту шеберлері;
      инновациялық алаңның немесе жобаның басшысы болып табылады (әдіскерлер үшін).
      2) "педагог-зерттеуші" - педагог кемінде бес талапқа сәйкес болуы тиіс:
      Тізбеге немесе білім беру саласындағы уәкілетті органмен келісілген тиісті саланың уәкілетті органы бекіткен тізбеге сәйкес облыстық, республикалық, халықаралық деңгейде кәсіби шеберлік конкурстарының жүлдегері немесе жеңімпазы болып табылады;
      Тізбеге немесе білім беру саласындағы уәкілетті органмен келісілген тиісті саланың уәкілетті органы бекіткен тізбеге сәйкес республикалық, халықаралық деңгейдегі олимпиадалардың, конкурстардың, жарыстардың, чемпионаттардың жеңімпазын немесе жүлдегерін дайындаған;
       білім басқармасы жанындағы оқу-әдістемелік кеңес немесе республикалық оқу-әдістемелік кеңес ұсынған оқу-әдістемелік кешеннің, бағдарламаның авторы болып табылады; 
      білім беру саласындағы уәкілетті орган бекіткен оқулықтардың, оқу-әдістемелік кешендердің және оқу-әдістемелік құралдардың тізбесіне енгізілген жарияланған оқулықтардың, оқу-әдістемелік құралдардың авторы (тең авторы) болып табылады;
      білім басқармасы жанындағы оқу-әдістемелік кеңесте облыс, республикалық маңызы бар қалалар мен астана, республика деңгейінде тәжірибені жинақтайды (ведомстволық бағынысты ұйымдар мен салалық мемлекеттік органдардың білім беру ұйымдары үшін);
      облыстық деңгейдегі "Үздік педагог" атағына ие болған;
      инновациялық алаңның немесе жобаның басшысы болып табылатын (әдіскерлер үшін);
      білім беру саласындағы уәкілетті орган ұсынған басылымдарда зерттеу (инновациялық, шығармашылық) қызметі негізінде жариялау (әдіскерлер үшін);
      тәжірибені облыс, республикалық маңызы бар қалалар және астана деңгейінде көрсетеді;
      ғылым кандидаты/докторы немесе PhD ғылыми докторы дәрежесі және кемінде үш жыл педагогикалық жұмыс өтілі бар.
      3) "педагог-шебер" - педагог кемінде алты талапқа сәйкес болуы тиіс:
      Тізбеге немесе білім беру саласындағы уәкілетті органмен келісілген тиісті саланың уәкілетті органы бекіткен тізбеге сәйкес халықаралық деңгейдегі олимпиадалардың, конкурстардың, жарыстардың, чемпионаттардың жеңімпазын немесе жүлдегерін дайындаған;
      Тізбеге немесе білім беру саласындағы уәкілетті органмен келісілген тиісті саланың уәкілетті органы бекіткен тізбеге сәйкес халықаралық кәсіби шеберлік конкурстарының жеңімпазы немесе жүлдегері болып табылады;
       республикалық оқу-әдістемелік кеңес ұсынған бағдарламаның авторы болып табылады; 
      білім беру саласындағы уәкілетті орган бекіткен оқулықтардың, оқу-әдістемелік кешендердің және оқу-әдістемелік құралдардың тізбесіне енгізілген жарияланған оқулықтардың, оқу-әдістемелік құралдардың авторы (тең авторы) болып табылады;
      білім беру саласындағы уәкілетті орган ұсынған басылымдарда зерттеу (инновациялық, шығармашылық) қызметі негізінде жарияланымдары бар;
      республикалық деңгейде тәжірибені таратады;
      ғылым кандидаты/докторы немесе PhD докторы дәрежесі және кемінде бес жыл педагогикалық жұмыс өтілі бар;
      Қазақстан Республикасының "Үздік педагогі" атағына ие болған.
      64. Білім беру ұйымының, әдістемелік кабинеттің (орталықтың) бірінші басшысына, басшысының орынбасарына мерзімінен бұрын біліктілік санатын беру мәлімделетін біліктілік санатына сәйкес үздіксіз 2 (екі) жыл бойы қызмет нәтижелеріне қол жеткізген жағдайда жол беріледі.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
  Педагогтерді аттестаттаудан 
өткізу қағидалары мен 
шарттарына
1-қосымша
      Нысан
"Педагогтердің аттестаттаудан өтуі үшін құжаттарды қабылдау" мемлекеттік қызмет көрсетуге қойылатын негізгі талаптардың тізімі
1. Көрсетілетін қызмет берушінің атауы Қазақстан Республикасының Оқу-ағарту министрлігі, облыстардың, республикалық маңызы бар қалалардың, астананың білім басқармалары, аудандар мен облыстық маңызы бар қалалардың білім бөлімдері, білім беру ұйымдары
2. Мемлекеттік қызмет көрсету тәсілдері egov.kz "Электронды үкімет" порталы;
 "Ұстаз" педагогтің үздіксіз кәсіби дамуының ұлттық платформасы" ақпараттандыру нысаны 
3. Мемлекеттік қызмет көрсету мерзімі Мемлекеттік қызмет көрсету мерзімі: бір жұмыс күні
4. Мемлекеттік қызмет көрсету нысаны Электрондық (ішінара автоматтандырылған)
5. Мемлекеттік қызмет көрсету нәтижесі Көрсетілетін қызметті берушінің ЭЦҚ қойылған құжаттарды қабылдау туралы немесе мемлекеттік қызметті көрсетуден дәлелді бас тарту хабарламасы. Көрсетілетін қызметтің нәтижесі көрсетілетін қызметті алушының жеке кабинетінде көрсетіледі
6. ҚР заңнамасында көзделген жағдайларда қызмет алушыдан алынатын төлем мөлшері және оны алу тәсілдері Жеке тұлғаларға тегін
7. Жұмыс кестесі egov.kz "Электронды үкімет" порталы және "Ұстаз" педагогтің үздіксіз кәсіби дамуының ұлттық платформасы" ақпараттандыру нысаны арқылы: жөндеу жұмыстарын жүргізуге байланысты техникалық үзілістерді қоспағанда, тәулік бойы (қызмет алушы жұмыс уақыты аяқталғаннан кейін, Қазақстан Республикасының Еңбек кодексіне сәйкес демалыс және мереке күндері жүгінген кезде өтініштерді қабылдау және Мемлекеттік қызмет көрсету нәтижелерін беру келесі жұмыс күні жүзеге асырылады).
8. Мемлекеттік қызметті көрсету үшін көрсетілетін қызметті алушыдан талап етілетін құжаттар мен мәліметтердің тізбесі 1) өтініш;
2) білім туралы диплом (ақпараттық жүйелерде мәліметтер болмаған жағдайда);
3) қайта даярлау курстарынан өткені туралы құжат (бар болса);
4) қызметкердің еңбек қызметін растайтын құжат (ақпараттық жүйелерде мәліметтер болмаған жағдайда);
5) білім беру саласындағы уәкілетті органмен келісілген білім беру бағдарламалары бойынша біліктілікті арттыру курстарынан өткені туралы сертификат;
6) берілген біліктілік санаты туралы куәлік және бұйрық (бұрын біліктілік санаты бар адамдар үшін);
7) кәсіби жетістіктерді және тәжірибені жинақтауды (таратуды) растайтын құжаттар;
8) білім алушылардың жетістіктерін растайтын құжаттар.
9) Эссе (250–300 сөз).
Жеке басын куәландыратын құжаттар, білімі және еңбек қызметі туралы мәліметтер тиісті мемлекеттік органдардың ақпараттық жүйелерінен электрондық үкімет шлюзі арқылы алынады.
"Педагог-модератор", "педагог-сарапшы" біліктілік санаттарына аттестатталушылардың 3), 5), 6), 7), 8) тармақтарда көрсетілген құжаттары Платформада жинақталады.
9. Қазақстан Республикасының заңнамасында белгіленген мемлекеттік қызмет көрсетуден бас тарту үшін негіздер 1) мемлекеттік қызметті алу үшін қызмет алушы ұсынған құжаттардың және (немесе) олардағы деректердің (мәліметтердің) дәйексіздігі анықталған;
2) мемлекеттік қызметті көрсету үшін қажетті ұсынылған материалдардың, деректер мен мәліметтердің талаптарға сәйкес келмеуі;
 3) "Дербес деректер және оларды қорғау туралы" Қазақстан Республикасы Заңының 8-бабына сәйкес көрсетілетін қызметті алушының мемлекеттік қызмет көрсету үшін талап етілетін қолжетімділігі шектеулі дербес деректерге қол жеткізуге ұсынылатын келісімінің болмауы.
10. Мемлекеттік қызмет көрсету ерекшеліктерін ескере отырып, оның ішінде электрондық нысанда және Мемлекеттік корпорация арқылы көрсетілетін өзге де талаптар Аттестаттау оқу жылында 1 рет өткізіледі. Аттестаттауға өтініш білім беру саласындағы уәкілетті органдар айқындаған мерзімдерде қабылданады. Қызмет нәтижелерін кешенді талдамалық жинақтау ағымдағы оқу жылының қаңтар-тамыз айлары аралығында өтеді. Мемлекеттік қызмет көрсету орындарының мекенжайлары Министрліктің интернет-ресурсында орналастырылған: www.edu.gov.kz. көрсетілетін қызметті берушінің ЭЦҚ, сондай-ақ Бірыңғай байланыс орталығы: 1414, 8 800 080 77777, болған жағдайда порталдың "жеке кабинеті" арқылы қашықтықтан қол жеткізу режимінде Мемлекеттік қызмет көрсету тәртібі мен мәртебесі туралы ақпарат алу мүмкіндігі бар. Мемлекеттік қызмет көрсету мәселелері бойынша көрсетілетін қызметті берушінің анықтамалық қызметтерінің байланыс телефондары Министрліктің интернет-ресурсында орналастырылған: www.edu.gov.kz.
 
 
 
 
 
 
 
 
 
 
 
 
 
 
 
 
  Педагогтерді аттестаттаудан
өткізу қағидалары
мен шарттарына
2-қосымша
      Нысан
  Аттестаттау комиссиясының
төрағасына
_______________________
Педагогтің аттестаттау рәсіміне қатысуға өтініші
        ____________________________________ ЖСН ___________________ 
       (Т.А.Ә. (бар болса) 
       Лауазымы, жұмыс орны, электрондық пошта __________________________________ 
       _________________________________________________________________________ 
      20____жылы лауазымы (мамандығы) _______________________________
       біліктілік санатты беру/растау бойынша аттестаттау рәсіміне қатысуға рұқсат 
      беруіңізді сұраймын.
       Қазіргі уақытта менің ____ (күні) ____ (айы) _______ жылға дейін 
      жарамды_______________________________________ біліктілік санатым бар.
       Білім беру ұйымының атауы ________________________________________________ 
      __________________________________________________________________________
       Біліктілік санатын беру (растау) тәртібімен таныстым. 
      " " __________ 20 ___ жыл ____________ (қолы)
 
 
 
 
 
 
 
 
 
 
 
 
 
  Педагогтерді аттестаттаудан
өткізу қағидалары
мен шарттарына
3-қосымша
      Нысан
  _____________________
қызмет алушының Т.А.Ә.
(бар болған жағдайда)
Аттестаттаудан өтуге өтінішті қабылдау туралы хабарлама
      Педагогтерге біліктілік санаттарын беру (растау) рәсіміне қатысуға өтініш қабылданды.
       Осы хабарлама "____" __________20___ жылы жіберілді.
  Педагогтерді аттестаттаудан
өткізу қағидалары
мен шарттарына
4-қосымша
      Нысан
  _____________________
қызмет алушының Т.А.Ә.
(бар болған жағдайда)
 Аттестаттаудан өтуге өтінішті қабылдаудан бас тарту туралы хабарлама
       Педагогтерге біліктілік санаттарын беру (растау) рәсіміне қатысуға өтініш 
       _____________________________________________________________, 
       атап айтқанда /жоқ немесе сәйкес келмейтін құжаттардың атауын көрсету/: 
       1) _________________________________; 
       2)_________________________________; 
      3)_________________________________ байланысты қабылданбады.
      Осы хабарлама "____" __________20___ жылы жіберілді.
 
 
 
 
 
 
 
 
 
 
 
 
 
 
 
 
 
Текст